公平的機會

原圖只有頭兩格，是杜哥提出，第三格是我後加。

在第三格圖，如果你是那藍衫小朋友，有什麼辦法?

拆牆? 打又打唔过大隻佬?

或是同大隻佬友好, 一齊坐?

大隻佬坐得咁爽，啋你都儍。

有一個辦法。

同啡色衫中佬講，問佢想唔想好似大隻佬坐響度咁爽。

聯合啡中佬，趕下大隻佬，二一分盒。

不過啡中佬就好似现在有糧出的人,过得一日得一日,歎完再算。

這正是問題所在。

引中佬，告訴他可坐不企之好處，是唯一希望。

在這問題，應假設沒有其他外在因素，各人除高矮外，沒有其他分別。亦假設人性自私，每個人都會盡量増加自己之利益。

矮仔在利誘中佬之時，亦可暗示，大舊曾談及與矮仔合作，奪去他唯一之盒。

這看似弱者仇富的内心。

在巴士上的人，總愛罵巴士下面的人亂推上車。

輝哥問，有冇唸過唔喺人人有興趣，好似圖中三人鐘意看波。

當然係假設三人皆有睇波需要，而又冇錢入場。

杜哥解釋，個圖想表達當權者要公平，令到三個人都睇到。有兩個方法。加個高台比矮仔，或者將個圍欄弄低。想想兩者結果是一樣都，令到佢地睇到，但是否有分別呢？

個圖係話資源有限，牆當然不能改矮，亦沒有更多箱子，為政者要用什麼方法解決資源分配。

杜哥嘅睇法係，當權者係要給社會公平的機會，而不是淨係給資源弱者，以為這便公平。

杜哥認為，個圖正是表達要以弄低圍牆為目表，而不是提供木箱。木箱資源也有限。

可惜現代社會，往往有如第三圖，強者擁有大部分資源，弱者分到些少但十分不足，所以社會便嘈嘈吵吵。

可能更理想之目標，是提供三張入場券。