陳年歷史舊事

說起那些年，還記得當年智力比賽，我們WA班險勝MA班嗎?

輝哥答對其中一條問題，是有兩個時鐘，一個壞了唔行得，一個每日快兩分鐘，究竟邊個鐘準啲呢?劉答中了。還記得答案嗎?

快兩分鐘差距的準確性，當然可以用很複雜的程式計算，當時（其實到現在）又怎會懂呢！只直覺知道，個鐘唔行，一日起碼有兩次準。這便是當年快而準的祕密。

現在可用數學演算一次，以解這三十多年之迷。

計算一下，個鐘一圈有十二小時，即720分鐘，個鐘日行快2分鐘，即要720／2=360日至追到一圏，即係話若個鐘而家準，下一次再準係360 日之後，卽係話一年先準一次。梗係個唔行嘅鐘準啦，一日起碼準兩次。

輝哥解釋，用常識加直覺，比我們當年聰明的對手更管用。很多成功人仕，就源於此。可惜時得，時唔得，時也，命也。

答對呢題，追至平手，還記得最後一條決定性問題，是誰答的呢?

敖答中最後一題，我們反敗為勝。

那次比賽，我答了最多題，都是數目字題及圖案題，題目已記不起了。輝哥答咗幾條文字題，亦冇乜印象了。敖全日只係答咗最後一題，亦係關鍵的一題。

這一題其實不算什麼智力題，題目係六個英文字母調亂，問原本係咩字，我英文屎，當然唔識，全場亦無人識。等咗好耐，敖在我耳邊細細聲話，咦，係DONKEY噃，我當時根本唔識呢個字，不過亦冇捻咁多，立即擧手，我學舌地大聲嗌DONKEY，林Sir話，冇錯係，咁WA班就贏咗。

杜哥話， 已唔記得，讀書時頭又唔到、尾又不至於。各方面都唔特出，老師想信都冇印像，何來參加什麽比賽！早幾年覺得以今天的能力放在當年讀書的時候，應該都可以很出色。但近年發覺喜歡追求的是新事物/新知識，可以"知識創造財當"，同讀書考試要的基本功好唔同，相信自己個套shotcut文化都唔會讀書成績出色啦!

我所認識的杜哥，考試未必好叻，但組織能力強，做事有要求，所以我喜歡同杜合作辦事，成事機會都高幾籌。

想起來，荃威補習社是我們值得自豪的一段時光。

杜哥話， 講起就把幾火，吹水時大家話一齊攪，都開檔就得我同呀趙，派廣告、半夜攞兜桨糊去貼街招，兩條友一腳踢。到補習要人都有蛇仔來幫吓補中文。最多人齊就係開大食會時侯！哈，都係那些年啫！

國樑話，陳年歷史舊事。忘记了！